GHAZAL BY KHAYAL KHATRI
غزل خيال کتري
ڪلهن تي پــرايا پـــــــيو بارَ ڍوئي
اڃان پيو غلاميءَ ســندا پارَ ڍوئي
اچي ٻوڏ ويـئي ٻُـڏي گهاٽ گهر ويا
مـتي مــــال سـان ٿو ٻڏل ٻارَ ڍوئي
ٿيو بم ڌماڪو جـــــــو بازار وچ ۾
نِٻَل ڏيــــل نانـــــــو اکين ٺارَ ڍوئي
اڇائي رھي ڪٿ وڌيو ظلم اھــڙو
پيو ديس واسـي رڳـــو ڪارَ ڍوئي
ڪري ھيڪلو ويـا ڇِـــني يار ياري
پـــيو رات ساري سـندن سارَ ڍوئي
ڏسي ڪين کتري اڙياتا سگهي ٿــو
ڪلهن تي کڻي ٿــو ڏکـن ڏارَ ڍوئي
19.1.2024
No comments:
Post a Comment